Interpreteak Nurenbergen 1945-1946

E-posta Inprimatu

Erakusketa

Interpreteak Nurenbergen (1945-1946)

2015ean 70 urte bete ziren Bigarren Mundu Gerra amaitu eta Nurenbergeko prozesua hasi zenetik. Potentzia aliatuek naziek egindako krimenen arduradun nagusiak epaiketara eraman zituzteneko urteurrena momentu sinbolikoa izan zen eta askotariko hausnarketak eragin zituen.
Izan ere, aro hartan, interpreteek hainbat zailtasuni aurre egin behar izan zieten, hala nola teknikoei, linguistikoei, tematikoei eta psikologikoei. Oro har, interpreteek maiz aintzat hartzen ez den erronka hermeneutiko bat izan zuten aurrez aurre: errealitate baten kontakizunak hizkuntza batetik bestera bihurtu behar izan zituzten, errealitate horretako gizarteko talde osoak –bereziki judutarrak– fisikoki sarraskitzeaz gain, horiek historiaren liburuan zuten arrastoa ere metafisikoki ezabatu ondoren.

Erakusketako komisarioak: Jesús Baigorri Jalón, Concepción Otero Moreno, Críspulo Travieso Rodríguez.

2018ko apirilaren 10etik maiatzaren 11ra
Koldo Mitxelena liburutegiko 1. solairuan
Astelehenetik ostiralera: 08:30-20:30
Larunbatak: 08:30-14:00
Igandetan eta jaiegunetan itxita

Kultura Zientifikoaren Espazioak antolatutako erakusketa
Kultur Jardueren Zerbitzua / Salamancako Unibertsitatea
Itzulpengintzako eta Dokumentazioko Fakultatearekin lankidetzan

 

Mahai-ingurua

Interpretazioa justizia auzitegietan

2018ko apirilaren 11n, 19:00etan.
Koldo Mitxelena Kulturuneko ekitaldi aretoan.

Jesús Baigorri, Alfaqueque ikerketa taldea, Salamancako Unibertsitatea, eta erakusketaren komisarioa; Gemma Varona, EHUko biktimologiako irakaslea; Iñaki Subijana, Gipuzkoako Probintzia Entzutegiko presidentea; Lurdes Auzmendi, EHUko interpretazio irakaslea.

Hizpide izango dute, besteak beste, zer nolako egoera bizi duten gaur egun interpreteek Espainiako justizia auzitegietan, eta zenbaterainoko garrantzia duen biktimentzat auzitegietan prozesuan alde interesdun guztiek –biktimek barne– azaldutakoa zehaztasunez eta zorroztasunez helarazteko gai diren pertsonak izateak.

Orobat aipagai izango dute Nurenbergen baliatu zen aldibereko interpretazioak zer nolako garrantzia izan zuen interpreteei dagozkien lau alderditan, hala nola diskurtsoaren analisia, kontu etikoak, aurrerapen teknikoak eta interpreteen soziologiari lotutako zenbait adibide. Beraz, interpreteen jardunari begiratuko diote, eta gaurkotasuna emango diote justizia administrazioaren barruan oraindik ere konpondu gabe dagoen arlo bati.

 

 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.