Zerocalcarerekin ikasia

E-posta Inprimatu

Zerocalcare izan dugu gure artean. Bere lehen komikia autoekoiztu zuenetik, guztira zortzi liburu argitaratu ditu bederatzi urteotan... eta iruzkin kontaezinak sarean... eta haren blogean... eta kontatu ezin diren komiki sinatze saioak...

Arrakastaren nondik norakoa? zintzotasuna. Ez du ezer ezkutatzen, dena argitzen du.
Zintzotasuna ez da nahikoa, baina, arrakasta lortzeko. Talentua behar da. Egileak badu, soberan. Kontatzeko modu propioa garatu du; kontakizunaren baitan kultura pop-ularraren ikurrak eta aipuak. Gertu sentiarazten dizu.

Zintzotasuna eta talentua ez dira nahikoa. Lana ere egin behar da. Tajuz. Konpultsiboki, askotan. Lana eta irakurlea errespetuaren bidez lotu ditu; esaterako, arratsaldean hasi eta goizean bukatu dezake sinatze saio bat... liburudendetan liburuak sinatzen, zaleen aurrean.

Zintzotasua, talentua, lana. Eta ardura. Bere gertuko komunitatearekiko, urrun baino gertukoak dituenekiko. Kultura politiko zehatzak bustitzen du bere lana eta bere jarrera.

Zintzotasuna, talentua, lana, ardura. Ez dira nahikoa. Zerocalcare berritzailea izan da. Autoekoizpenarekin abiatu zen, baita milaka ale eskuz esku eraman eta banatu ere. Milaka ez da gehigikeria, zehatza da datua. Berrikuntza, baina, ez zen autoedizioa izan, halako astakeriari uko, fidatzeko argitaletxea bilatu eta, batez ere, harreman berria sortzean datza haren berrikuntza: editoreekin zein zaletuekin. Sarea bere lanaren baitan txertatu zuen, blogaren bidez. Nahasketa itzela izan da. 
Komikizaleen esparrutik hareago, literaturaren salmentarik gorenak lortzen ditu Italian. Handik beste hizkuntzetara pasa. Oinarrizko printzipioei uko egin gabe. Zintzotasuna oinarri.

Hala erakutsi digu gurean izan den bitartean. Harekin egon ez zaretenok, katalogo honekin haren lana gertutik ezagutzeko aukera duzue. 35 urte bete gabe, Italiako Museo nazionale delle arti del XXI secolok antolatu erakusketa erraldoiaren katalogoa. Bukatutakoan, azalean bihotz erraldoia zergatik; eta kontrazalean bihotzaren gibelean partxez beterik zergatik, ongi ulertuko duzue.


 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.