Sergio Toppiren Americania komikia

E-posta Inprimatu

Sergio Toppi
Americania
Ponent Mon, 2020

Sergio Toppi (1932-2012) italiar komikigile handi eta donetsia. Italiar estiloko komikiaren aita ere deitu izan diote eta bere eragina nabarmena da europar zein amerikar komikigintzan. Medikuntza ikasketak burutzen hasi baldin bazen ere, berehala hori utzi eta aldizkari italiarretan ilustratzen hasi zen, ondoren komikirako saltoa eginez. Hainbat argitalpenetan parte hartu bazuen ere, aipatzekoa da Corto Maltes aldizkarian marraztu zuela tartean.

Bere estiloari dagokionez, zuri beltzaren maisua dela azpimarratu behar dugu. Akuarela eta gouache teknikak ere menperatzen baldin bazituen ere, deigarria da zuri-beltzaren erabilera hutsarekin, lortzen zuen ikusgarritasun handia, paisaiak, testurak edota pertsonen aurpegien bidez sentimenduak modu ezin hobean adieraztea.

Bere azken urteetako album zein istorioak jasotzen dira Ponent Mon argitaletxeak atera berri duen Americania lan mardulean. Bertan Toppik amerindioen gainean gizon zuriak egindakoak salatzen ditu, indioen ohiturak eta bizimoduaren detaileak azaleratuz.

Honako istorioen bilduma da Americania: El amor a la vida, Naugatuck 1757, Mientras vivas, Una sola vez en la vida, Little Big Horn 1875, Responde a mi pregunta, El reposo del amirante, Una visita para John Colter, Katana, Blues, El heredero. Istorio guzti hauek 1976 eta 2007 urteen artean argitaratuak izan ziren.

Lan honen bildumaratzea José E. Martínezek egin du eta berea da gainera hitzaurrea ere. Bertan istorio bakoitzaren lehen argitalpena aipatzen du eta baita hauen xehetasunak ere.

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.