Angulemako festibala 2021

E-posta Inprimatu

Azkeneko urtea berezia izan dela denok dakigu jadanik. Ekitaldi asko eta asko bertan behera gelditu behar izan dira, beste batzuk modu birtualean ospatu dira eta beste batzuk atzeratu egin dituzte. Angulemako komiki jaialdia, komiki zaleen urteroko hitzordua, aldiz, bi zatitan antolatzea erabaki dute. Lehenengoan sariak modu birtualean banatuko dituzte, ohiko urtarrila bukaerako datetan. Aurrez aurreko jaialdia, ordea, komikiaren munduko eragileen elkarretaratzea helburu duena, ekaina bukaera arte atzeratzea erabaki dute, ekainaren 24tik 27ra hain zuzen ere, osasun larrialdi egoerak hobera egingo duenaren esperantzaz.  

Dena den, tartean programazio zabala eskaintzea dute helburu, eta hainbat ekitaldi edo jarduera abiatuko dituzte urtarriletik aurrera. Oraingoz, eta urtarrila arte, sari desberdinak irabazteko izendatuen zerrendak aurkeztu dituzte. 12 saritu edo “fauve” dira guztira eta izendatuen zerrenda zabala jaialdiaren webgunean kontsultatu daiteke.

Sari banaketa amaitu eta urtarrila-ekaina bitartean, 2020ko Grand Prix izan zen Emmanuel Guiberti buruzko erakusketa abiatuko da, bi ekitaldien zubi modura. Guibert-en ibilbidea omendu nahi izan dute eta beti ere hau ardatz izanik, disziplina askotariko artista desberdinak gonbidatu dituzte, haien ekarpenak egin ditzaten.
 
Beste jarduera berri bat ere proposatu dute, komikiaren jaialdia Frantziatik zabaltzeko asmoarekin. Abendutik otsaila erdira arte herrialdeko 41 tren geltokitan, 2021eko edizioko komiki izendatuak ikusi ahalko dira, panel handiz osatutako erakusketa desberdinetan. Era honetan, komikiak oso publiko desberdinetara iristea espero ere dute.

Esan bezala, komiki zaleentzat egutegian markatutako data izaten da Angulemako jaialdia, baina baita ere, komikigile eta haien inguruan lan egiten dutenentzat, honek daukan proiekzio handiagatik. Beraz, nahiz eta aurten, pixka bat gehiago itxaron beharko dugun, 2021eko edizioa ospatzeko aukera egongo da.

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.