'Azul', Esther Giliren artea

E-posta Inprimatu

Azul, el arte de Esther Gili
Astronave, 2020

Marrazkilari handi bati buruzko liburu handia, atsegina eta polita aurkeztu nahi dizuegu. “Azul, el arte de Esther Gili” izeneko lanak, artista honen ibilbidearen berri ematen digu, elkarrizketa eta irudi ederrez jositako liburuan.

Esther Gili Madrilen jaio zen 1981. urtean. Txikitatik marraztera ohituta, ilustrazio ikasketak burutu zituen eta irudigile askok bezala, gauza oso desberdinak egin ditu bere lan ibilbidean zehar orain arte. Akuarela teknika gogokoena izanik eta bere erretratuekin pertsonen espresioak bikain azalduz, komikiak, liburuetarako marrazkiak, laminak, eta zinema eta publizitaterako irudiak ere egin ditu beste gauza askoren artean.

Haur eta gazteentzako liburuetarako ilustratzen eskarmentu handikoa da, “El legado de Catherine Elliot” lanean arrakasta handia eskuratu zuen Gemma Camblorrekin batera. Helduentzako lanen artean, “39 semanas” izeneko liburua kaleratu zuen, amatasunari buruz berak sortutako blogak eduki zuen oiartzuna dela eta. Komikigintzan, Arruequen fanzinean eta Dos Veces Breve aldizkarian parte hartu izan du. Liburu kolektiboetan elkarlanean ere aritu da, “Tapa Roja”, “Lanza en Astillero” eta Dupuis argitaletxearen “La vieille dame qui n’avait jamais joué au tennis, et autres nouvelles” komikian besteak beste.

“Azul” liburua modu nahiko intimoan aurkezten digu. Esther Gili bera, haren inguruko pertsonekin elkarrizketan agertzen da bere ilustrazio eta lanen artean erdi ezkutuan. Marialu Gili ahizparekin, Carlos Salgado bikotekidearekin, eta Avesha L. Rubio eta Maria Hesse lagunekin, eta lantzen den gai bakoitza estilo desberdineko irudi ezagun edota inoiz argitaratu gabekoekin harilkatuta dator. Hizketaldi hauetan bere marrazki eta esperientziez aritzen dira, akuarela, haurrentzako ilustrazioa, zinea eta komikiak ardatz direlarik. Liburua esku artean izatea da lan honetaz gozatzeko aukera onena.
 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.