Auschwitzetik haratago Liburutegian

E-posta Inprimatu

Uztailaren 3ra arte erakusketa-aretoan egingo den Seeing Auschwitz erakusketarekin batera, eta Holokaustoa ardatz hartuta, gaur egungo historian zehar izan diren beste masa-indarkeria mota batzuk ere landuko dituen kultura-programa izango da hilabete hauetan Kulturunean. Programak, Auschwitzetik haratago izenburupean, Edurne Portelak zuzendutako eztabaida eta hitzaldi ziklo bat eta Elias Querejeta Zine Eskolak, Euskadiko Filmategiak eta Begoña del Teso kazetariak elkarlanean egindako zine ziklo bat izango ditu. Liburutegitik hainbat erakusketa-proposamen eta irakurketa- eta zinema-gomendio antolatuko ditugu, nahi duenak gaian gehiago sakondu dezan.

Bihar, otsailaren 18an, 19: 00etan, KMK-ko Areto Nagusian, zikloan programatutako lehen hitzaldia egingo da, Julian Casanova historialariaren eskutik. Casanova eta, zehazkiago, honek argitaratu berri duen Una violencia indómita: el siglo XX europeo liburua erreferentziatzat hartuta, Liburutegian erakusketa txiki bat eta hainbat interesgune prestatu ditugu. Erakusketa, XX. mendeko Indarkeriak Europan deiturikoa, Koldo Mitxelena Liburutegiko funtsekin ilustratuta dago eta joan den mendean Europa suntsitu zuten indarkeriazko gatazken erakusgarri izan nahi du. Lehen interesgune horietan proposatzen ditugun gomendioek historia liburuak, Europako gatazkak istorioen parte diren eta berebiziko protagonismoa hartzen duten eleberriak eta filmak biltzen dituzte, bai eta mende hasieran Europa izan zen indarkeria-espiral hartan beti kontrakarrean ibili zen Romain Rolland Nobel frantsesarekin lotutako hainbat argitalpen ere.

 

 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.