Abuztuko interesguneak

E-posta Inprimatu

Liburutegira hurbildu eta zer irakurri pentsatzen ari bazara, hona hemen lagungarri izan dakizkizun irakurketa-proposamen batzuk.

0. solairuko sarrerako interesgunean XVII eta XIX mende bitartean bidaietan bidaiena izan zen Grand Tourraren inguruko liburuak prestatu ditugu. Turismo modernoaren aitzindari, Europan zehar egindako bidaia iniziatikoa oso hedatua izan zen garaiko aristokraten artean, haien heziketaren parte garrantzitsu bilakatu zena. Solairu berean, Erein argitaletxeko Igela bilduman euskaratutako atzerriko eleberri interesgarri batzuk eta, osasunaren eta elikaduraren inguruan sakondu nahi duenarentzat, egunez egun entzute handiagoa duen mikrobiota eta heste-floraren inguruko irakurketa batzuk.

1. solairuan, XIX. mendeko viktoriar garaiko Elizabeth Gaskell idazle ingelesaren eleberri eta kontakizunak ezagutzera gonbidatzen zaituztegu. Gaskellen idatziek, garaiko gizartearen erretratu zehatza egiteaz gain, orduko pertsonaia famatuen deskribapen hurbila aurkezten digute. Haien artean, Charlotte Brönte idazle handiaren biografia ezagunena berak idatzi zuen 1857an. Honetaz gain, eta Joko Olinpikoetaz gozatu eta oraindik ere kirol-gosea duenarentzat, futbolaren inguruan idatzi diren hausnarketa interesgarri batzuk bildu ditugu zuentzat. Eta uda eta opor garaian egonik, Fonoteka kanpoan itzala uzten duten bidaien inguruko pelikulak aukeratu ditugu zer ikusi pentsatzen ari denari ideiak eman eta, etxeko sofatik mugitu gabe bada ere, urrutira bidaiatzeko gonbitea lutzatzeko.

Azkenik, haren heriotzaren lehen urteurrena pasa berri den egun hauetan, Joan Mari Torrealdai kazeari, idazle, euskaltzale eta soziologo konprometituaren idatziak apaletatik berreskuratu eta interesgune propio batean jartzen ditugu gizon handiaren omenaldi xume gisa.

 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.