'Mugako dragoiak' komikia eta aurkezpena

E-posta Inprimatu
Mugako dragoiak
Gregorio Muro Harriet, Iván Gil eta Garluk Aguirre
Harriet argitaletxea, 2021
 
Harriet argitaletxeak urtero kaleratzen ditu hainbat komiki, tartean batzuk kanpoko merkatuetan sona handia lortzen dutenak eta baita bertako egileekin burututako komikiak ere. Gainera argitaletxe honen erronka esanguratsuenetakoa, komikia argitaratzeaz gaindi, zera da, bi hizkuntzetan ateratzen dituela komikiak, euskaraz nahiz gazteleraz.
 
Aurten kaleratuko dituen aleen artean ‘Mugako dragoiak’ komikiaren aurkezpena egingo du Harriet argitaletxeak Koldo Mitxelenan eta egileen parte hartzearekin. Bertan izango dira gidoilaria, Gregorio Muro Harriet, marrazkilaria, Iván Gil eta kolorearen arduradun, Garluk Aguirre.
 
Honelaxe aurkeztu dute argitaletxearen hitzetan dragoiei buruzko komiki berria:
 
1778. Jornada del Muerto, Tierra Adentro erregebidea, Mexiko Berria.
Larrudun Dragoiak kidegoko kadete gaztea da Migel. Espetxe-zalditeria espainiarra dira dragoiak eta Espainia Berriko iparraldeko muga beroan bakea zaintzeaz arduratzen dira. Kadetea Santa Fe aldera doa destakamenduarekin batera, kolonizatzailez eta aberez osatutako konboi bati eskolta emanez. Baina apatxeek konboia erasotzen dutenean eta Sor Madeleine ursulatar moja gaztea bahitzen dutenean, Migel haien atzetik abiatuko da eta abentura arriskuz betetakoari hasiera emango dio. Indigenen atzetik, gure kadetea komantxeriaren bihotz-bihotzera sartuko da eta, han, Mexiko Berriko gobernadorea den Juan Bautista de Anza teniente koronelaren espedizioarekin batera, Tavibo Narigant –Adar Berde, espainiarren izenez–, komantxeen buruzagi suharrari aurre egin beharko dio.
Finean, istorio-historia hau western bat dugu. Generoaren kodeak errespetatzen ditu baina, aldi berean, arnasa eta ikuspegi berri bat eskaintzen dizkigu, eta, are, unibertso orain arte ezezagun bat erakusten digu AEBetako Mendebaldeko toki mitikoetatik barrena.
 
Komikiaren aurkezpena Koldo Mitxelena liburutegiko aretoan burutuko da azaroaren 18an goizeko 11:30tan.
Bertan parte hartuko dute Gregorio Muro Harriet (gidoilaria), Iván Gil (marrazkilaria), Garluk Aguirre (kolorista) eta David Zapirain (aurkezlea).
 
 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.