Liburuaren egun ezberdin bat

E-posta Inprimatu

Dirudienez Miguel de Cervantes, William Shakespeare, Inca Garcilaso de la Vega, Josep Pla edo William Wordsworth bezalako idazle ospetsuak urteko egun berean hil ziren, apirilaren 23an hain zuzen. Heriotza egunen bat etortze hori da 1995ean, Editoreen Nazioarteko Batasunak proposatuta, UNESCOk Liburuaren eta Egile Eskubideen Nazioarteko Eguna ospatzeko data hori eta ez beste bat aukeratzearen arrazoi nagusia.

Orduz geroztik, munduko hainbat herrialdek ospatzen dute Egun hau irakurzaletasuna, argitalpen-industria eta egile-eskubideen bidez bermatzen den jabetza intelektualaren babesa sustatzeko. Horretarako, urtero, UNESCOk eta liburuaren munduko nazioarteko hiru erakunde profesionalek (aipatutako Editoreen Nazioarteko Batasunak, Liburudenden Nazioarteko Federazioak eta Liburutegien Elkarte eta Erakundeen Nazioarteko Federazioak), urte osoan zehar Liburuaren Munduko Hiriburua izango dena aukeratzen dute. Madril, Alejandria, New Delhi eta Anberes izan dira, besteak beste, titulu hori lortu zuten lehen hiriak. Aurten, Kuala Lumpurren txanda izaten ari da eta, UNESCOk dagoeneko argitara eman duenaren arabera, hurrengo urtean Malasiako hiriburuak Georgiako Tbilisiri pasako dio testigantza.

Ekimen orokor horrez gain, munduko txoko bakoitzean liburu-unibertsoarekin zerikusia duten era guztietako jarduerak antolatzen dira urtero, hala nola liburu-azokak, irakurketa publikoak, liburuen aurkezpenak eta sinadurak, kultur erakundeetan jardunaldi irekiak, kontzertuak, tailerrak, errezitaldiak... gure kaleak iskanbilaz eta parrandaz betetzen dituztenak, eta gure buru gosetuak elikagai espiritualez asebetetzen dituztenak.

Aurten, gure eguneroko bizitza hankaz gora jarri duen ditxosozko COVID-19 honek kulturaren jai handi hau comme il faut ospatzea ere eragotziko digu. Hala ere, argitaletxe, liburudenda eta liburuzainok fin-fin ari gara, etxetik ez bada ere, irakurleontzako jarduerak antolatzen. Horrela, eta festa eguna handitasunez ospatzeko aukeraren zain gauden bitartean, adin guztietako irakurleok oroitu eta laudatu dezagun, orain lehen baino gehiago agian, zeinen boteretsua den irakurraldi gogoangarri bat, gogorik bai? Gora biblioterapia!

  

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.