Aurrera eginez. Etorkizunari begira XIX. mendetik

E-posta Inprimatu

ERAKUSKETA
"Aurrera eginez. Etorkizunari begira XIX. mendetik"

2022-05-13 / 2022-12-17

José Bruneten argazkiak
"Marqués de la Real Defensa" bilduma

Komisarioak: Lola Horcajo Calixto eta Juan José Fernández Beobide

Erakustaretoa
Asteartetik larunbatera: 11:00 - 14:00 eta 16:00- 20:00
Jaiegunetan itxita

Argazki zaharrek une zehatz baten benetako testigantza bat ematen digute, eta, horri esker, beste iturri batzuetatik ezagutzen ditugun datuak ziurtatu ditzakegu, edo beste berri batzuk aurkitu. Horregatik uste dugu nondik gatozen jakin nahi dutenak harritu eta hunkitu egingo direla hemen aurkezten den argazki-bilduma berri honekin.

José Brunet Bermingham enpresari eta zinegotzi donostiarrarena (1836-1891) argazkilari ez-profesional batek egindako Donostiako bilduma pribatu garrantzitsuena da.

Bilduma honek garai ez da oso ilustratu bat erakusten digu, XIX. mendeko azken herena, non, harresiak eraitsi ondoren, Donostiak bere historiako eraldaketa urbanistiko handiena jasan baitzuen, ibaiari eta itsasoari lurrak irabaziz. Garai hartan berrikuntza handiak gertatu ziren, hala nola trenbidea, gasa, ur korrontea, tranbia, elektrizitatea, eta abar. Berrikuntza horiek biztanleen eguneroko bizimodua hobetu zuten, eta, aldi berean, lantegiek, merkataritzak eta turismoaren industria berriak lanpostu berriak eta etorkizunerako aukerak eman zituzten, baita emakumeentzat ere.

José Brunet aktore eta lekuko pribilegiatua izan zen gertatzen ari ziren aldaketetan, ez bakarrik hirian bertan, baita Gipuzkoako zati handi batean ere, Goierrin esaterako, zeina oso ondo ezagutzen baitzuen familia harremanak zituelako bertan, emaztea Beasaingoa izanik.

Argazki teknikaren kontrol handiarekin, bai hartualdietan, bai plaken tratamenduetan, José Brunetek mila beirazko plaka eta paperezko argazki baino gehiago utzi dizkigu, 1865. eta 1891. urteen artekoak. Ubaldo semeak bilduma hori handitu egin zuen beste mila alerekin. Horiekin, 30eko hamarkadaren amaierara arte iristen gara.

Zorte izugarria dugu, haien ondorengoek, historikoki duten garrantziaz jabetuta, ondare baliotsu hori gordetzen eta babesten jakin izan dutelako. Argazkilariaren birbiloba bat da, Joaquín Mencos Doussinague, Real Defensa markesa, gaur egungo jabea. Eskuzabaltasun osoz eskaini digu Nafarroako Errege Artxibo Nagusian gordeta dagoen bilduma. Bertan, arretaz zaharberritu dute bilduma.

Bisitariak irudi bakoitza leiho ireki gisa ikusi ahal izango du, garai hartako zuzeneko ikuspegiekin, herritarrek eguneroko zereginetan erakusten diguten benetako denbora-tunel gisa, merkaturako bidean edo ibaian garbitzen, bilakaera azkarreko gizarte batean, zeinak aurrerapen berriak gogoko baitzituen eta horiek lortzeko indarrak batzen baitzituen.re kameraren bidez, José Brunet jaunak garaiko esentzia atzematen jakin zuen, eta bere argazkiek gerora irautea lortu zuen. Inoiz ez diogu eskertuko behar beste.

Lola Horcajo Calixto eta Juan José Fernández Beobide

Bisita gidatuak

 

 

Lo



 

 

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.