Ganbara

GENTZ DEL VALLE. Perspektiba (Lekuz Kanpo)-Perspectiva (Fuera de Lugar)

E-posta Inprimatu

Perspektiba (Lekuz kanpo) orekari buruzko galdera bat da; oreka, mundua interpretatzeko erreferente gisa hartuta. Gauden posiziotik abiatuta, estrategikoki barruan kokatzen gara ahal dugun guztia irabazteko, abantailarik handiena lortzeko eta galerarik txikiena izateko, baina irabaziak bakarrik atera nahi dizkiogun mundu hori, non gelditu da? Non dago orain? Barru eta kanpo bat ezartzean, agian ganbera ilunaren asmaketak iruzur egin digu eta trukagarri bilakatu ditu, eta kanpoaldea leku nahasia bihurtu da, barruan daramagun hori, munduaren irudi handia ahaztu duen asmatutako leku bat. Irudi horretatik aldenduta, gure begiradak dardo modura jokatzen du edo bala txiki galduen ibilbide modura.

Perspektiba (Lekuz kanpo) instalazioak esperientzia bat sortu nahi du ikuslearengan leku baten iruditik eta norberak leku horretan duen posiziotik abiatuta. Lekualdaketa, migrazioa, desioa, frustrazioa eta utopia aipatzen ditu. Utopia Tomás Morok asmatutako termino bat da, 1516. urte inguruan latinez idatzi zuen lanetako baten izenburu gisa erabili zuena. Hitz horrekin Morok grekerako bi neologismori egiten die erreferentzia: outopia (inolako lekurik) eta eutopia (leku ona).

Nire lanean irudia irudikatutako zerbait bezala ulertzen da, eta ez horrenbeste irudi edo forma laua bezala. Irudia, hemen planteatzen den moduan, fisiko bihurtu den ideia bat da, nahiz eta pentsamendu baten aipamena edo metafora bat baino ez den; sentitu eta korritu daitekeen, baina aldatzerik ez dagoen, amets bat bezala.

Gentz del Valle
2017ko ekaina

Ganbara, 3. solairua
2017-06-15 / 2017-08-26
Asteartetik larunbatera
11:00-14:00 / 16:00-20:00
Jai egunetan itxita
Abuztuaren 13tik 21ra itxita

 

 

Maider López

E-posta Inprimatu
There are no translations available.


Simon Arrieta
1915-1969

 

ADRIAN FERREÑO

E-posta Inprimatu

Lan hau kasualitatetik abiatuta eginda dago, naturaren erdian, harresiez kanpo eta hiriaren erdigunean. Kasualitatea edozeinen eskura dagoen altxor bat da. Ustekabea den orok sortzen duen zirrara du. Esploratzaile eta abenturazale gisa bilatzen dugu egunero.

Jakin-minez abiatzen gara, edozein kale kantoiren bueltan egon daitekeena ikusteko, haiku batek bezala atentzioa ematen digun xehetasunen bat, baina kasu honetan ez idazteko, plastikoki transkribatzeko baizik. Izan daiteke ideia bat, kolore bat, forma bat, enkoadraketa bat, eta batzuetan gerta daiteke denak batera gertatzea eta plazer hutsa lortzea.

Litekeena da kaleko behaketa modan ez egotea, baina nire iritzi apalean, begiak eta zentzumenak adi edukita zerbait positiboa lor daiteke. Azkenean kontzeptu berri bat ere erantsi daiteke: santutegia. Nor bere baitan biltzeko tokia. Aberatsa, beti aldakorra delako. Era guztietako galderak egiteko geure buruari, ahal denari erantzun, geure buruarekin bat egin, ardurak utzi, mugitu gabe bidaiatu, biluzi, entropiak sortu...

Ganbara, 3. solairua
2017-03-30 / 2017-05-27
Asteartetik larunbatera
11:00-14:00 / 16:00-20:00
Jai egunetan itxita
Apirilak 15, larunbata, itxita

2017-03-30. Ganbara.  Adrián Ferreñoren inaugurazioan poesia errezitaldia ikusi nahi baduzu, sakatu behean dagoen loturan. Partaideak: Gema Durán, Eneko Etxebeste, Adrián Ferreño, Julia Lasagabaster, José Alberto Santo Domingo.

https://youtu.be/85ZCdTzIgD4

 

DONE SEBASTIAN - SAN SEBASTIAN. Javier Aramburu

E-posta Inprimatu

DONE SEBASTIAN

SAN SEBASTIÁN

Javier Aramburu

Javier Aramburuk obra bakar bateko erakusketa egingo du urtarrilaren 24tik martxoaren 4ra bitartean. Olio-pintura horrekin Sebastian Donearen figura berraztertu eta pinturaren historian gehien irudikatu den irudietako baten garaikidetasuna azpimarratzera dator, zeren eta, Donostia hiriari izena ematen dion gizona, bere ideiak defendatzeagatik hil baitzen. Aukera egin behar izan zuen bere ideiei uko egitearen edo hiltzearen artean, eta berak ideiei iruzurrik ez egitea aukeratu zuen. Gertaera hori III. mendekoa da baina hemezortzi mende beranduago ere antzeko menderatze modu berriak errepikatu dira gure garaian eta gure herrian.

Errealitate etsigarri horretan jaioa da koadro hori eta bere xedea da gorazarre egitea norberaren printzipioak defendatzera ausartu direnei, nahiz eta jakin indarkeria izango dela azken uneraino erantzun bakarra. Ba al du gizakiak gehiago ematerik? Ez al da hori maitasun ekintza bat? Eta egintza horretan, ba al dezake lurreko zerbaitek edo gauza fisiko batek goragoko maila batera igo? Frantxi Lopez de Landatxe, KMko zuzendari izan denak urtarril arte, eta erakusketaren sustatzailea denak, hauxe zioen: “Done Sebastian ikusita gehien harritu ninduena da obraren egikera, zer nolako dedikazioa eta zer nolako lana erakusten duen; baina, batik bat, pinturaren indarra, diziplina artistiko gisa, izugarria da, modu gordinean adierazteko obra horrek duen garaikidetasuna. Gero datoz kontakizunaren xehetasunak. Koadro horrek mistikoengana eramaten nau. Estasiaren ikusmen horrek kezkatzen nau,  niarekin zerikusirik ez duen arrazoi justu batengatik edo ezarritako batengatik bizia eman edo galdu izanaren sentsazioaren produktu bat, agian?

Javier Arambururen izenak (1966) ilustrazioaren eta diseinu grafikoaren mundura garamatza. Diseinatzaile modura egin duen ibilbidea jarraitu dutenek diote joera aldakorra izan duela, beti desberdina baina beti zehatza. Pintore gisa, Aramburuk, marrazkigintzaren eta pinturaren printzipioen alde egiten du, ondare galkorra uzten tematutako garai honetan ere. Bere obrarekin bakarrik egiten du hori, eta ez du hari buruz ezer adierazten: “Historiak erakusten digu, zerbait adieraztekotan, obra berak adierazi behar duela eta ez obraren egileak”. Erakusketa horren komisarioak, Alvaro Machinbarrenak, dio atsegin handiz lagundu duela erakusketa hori prestatzen, benetan miresten duen artista baten lana erakustea posible izan delako.

Informazio gehiago, hemen:

http://www.javieraramburu.es

Ganbara, 3. solairua
2017-01-24 / 2017-03-04
Asteartetik larunbatera
11:00-14:00 / 16:00-20:00
Jai egunetan itxita

 

Aurkezpena

E-posta Inprimatu

Erabilera anitzeko aretoa da; bertan, gaikako erakusketak antolatzen dira, gaur egungo kulturarekin erlazionaturikoak, bereziki. Bestelako ekintzak ere egiten dira, esaterako, garaiko erakusketarekin erlazionaturiko eztabaidak, emanaldiak eta literatur ekintzak.

Ganbara aretoaren ordutegia
Asteartetik larunbatera
11:00-14:00 eta 16:00 – 20:00

Igande eta jai egunetan itxita

Tfn: 943.112757

Bulegoetako ordutegia
Astelehenetik ostiralera
8:30 – 15:00

Tfno: 943 112893
 

 


1/15 orrialdea
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.