Ganbara

PILAR SOBERÓN. Murgilketak. Viajes de Jung

E-posta Inprimatu

Murgilketak. Viajes de Jungerakusketak proposatzen du hondogabearen dimentsioan barrentzea, hauskortasuna eta hegazkortasuna lanabes, giza psikean dautzan behialako mitoak azaleratuz eta animalia nahiz giza bizitzako milioika urteetan zehar forjatutako inkontziente indibiduala eta kolektiboa birkonektatuz, zeintzuk geure oroimenean inskribatuta baitaramatzagu, Jungen arabera, eta zeintzuez blaituta baikaude, nolabait.  

Erakusketan, funtsezko bizigaiak aurkitzen ditugu: argia eta ura. Argia, berotegietatik zeharrargitara ikusten dena, eguzki monumentu baten gisara, Stand by fields obran, lurraren eta birsorkuntzaren munduak durundi eginez, eta ura, berriz, zubi batetik hartutako irudien bitartez, Viaje de Jung obran, azpimundurako eta inkontzientziarako bidaia gautar horretan, zeruaren eta uraren irudi alde-rantzikatuen bitartez.

Jarraian, landarezko berotegira igarotzen gara: eskala handiko eraikuntza bat, babeslekutik egoitza primitibo-rantz transzenditzen duena, halako eran non babeslekua eraldatu egin baita eta landareak beren azalean mutatu baitira. Espazio zeharrargi horrek berak erdizka ikusten uzten du erakustaldiaren azken etapa: ura, bere jariatze-bizitzarekin eta berarengan gertatzen den ororekin.

Ganbara, 3. solairua
Inaugurazioa: azaroak 22 , 19:30
2017-11-22 / 2018-01-19
Asteartetik larunbatera:
11:00-14:00 / 16:00-20:00
Jai egunetan itxita

 

PILAR SOBERÓN. Murgilketak. Viajes de Jung

E-posta Inprimatu

                                 PILAR SOBERÓN
                                  Murgilketak. Viajes de Jung

                               Erakusketa

                           2017ko azaroaren 22tik 2018ko urtarrilaren 19ra

                             Asteartetik larunbatera
                            11:00-14:00 / 16:00-20:00

                                                                                                                                      Jai egunetan itxita

 

Maider López

E-posta Inprimatu
There are no translations available.


Simon Arrieta
1915-1969

 

Mariano Arsuaga. Lorategiak airean / Jardines en el aire

E-posta Inprimatu

Amets baten edo oroitzapen baten atzetik joatea. Unibertso koloretsu batean bizitzea.Koadro batzuei forma eman dieten gako sentikor eta intelektualak aurkitzea. Trazuen historiak deskribatzen dituzten egunerokoen orrietan barrena ibiltzea; tailer batean, haran batean jaio ziren trazuak, apika atzo, ala gaur izan ote da, bisitari bakoitzarekin topo egitean?Pinturaren intentzio sorta osoa begiratzeko, pentsatzeko eta sentitzeko leku bat.Denborarekin, lorategien gozamen iragankorrarekin jolasteko taula.Geografia hauskor amestu bat…

Erakusketa honen  izenburuari dagokionez, “Lorategiak airean”, esan behar dut izen hori bat datorrela aurkezten dudan pintura sail batekin; eta, nire ustez, prestatzen aritu naizen erakusketaren espiritu globala laburbiltzen du. Atsegin dut lorategi baten eta erakusketa baten arteko paralelismoa, bata eta bestea lurzati mugarriztatu bat dira, zeinetan unibertsoa, mundu osoa jaso daitekeen. Eta biek partekatzen dute izaera bikoitz hori, aldi berean eraikuntza materialak eta intelektualak izatearena.

"Lorategiak airean" espazioan egindako esku hartze bat da, eta bere asmoa da ikuslearen ikusmen-sentsazioak areagotzea eta kolore unibertso batean sartzea, oroimen batean edo amets batean murgiltzen garen moduan. Koadro bat habitatu ahal izateko eta koadro hori itxuratzen duten gako intelektual eta zentzumenezkoetan barneratu ahal izateko gonbidapen bat.

Lorategiak airean.
Mariano Arsuaga, 2017ko iraila

Erakusketa Ganbaran (3. solairuan)
2017ko irailaren 13tik azaroaren 4ra
Asteartetik larunbatera
11:00-14:00 / 16:00-20:00
Jai egunetan itxita

 

GENTZ DEL VALLE. Perspektiba (Lekuz Kanpo)-Perspectiva (Fuera de Lugar)

E-posta Inprimatu

Perspektiba (Lekuz kanpo) orekari buruzko galdera bat da; oreka, mundua interpretatzeko erreferente gisa hartuta. Gauden posiziotik abiatuta, estrategikoki barruan kokatzen gara ahal dugun guztia irabazteko, abantailarik handiena lortzeko eta galerarik txikiena izateko, baina irabaziak bakarrik atera nahi dizkiogun mundu hori, non gelditu da? Non dago orain? Barru eta kanpo bat ezartzean, agian ganbera ilunaren asmaketak iruzur egin digu eta trukagarri bilakatu ditu, eta kanpoaldea leku nahasia bihurtu da, barruan daramagun hori, munduaren irudi handia ahaztu duen asmatutako leku bat. Irudi horretatik aldenduta, gure begiradak dardo modura jokatzen du edo bala txiki galduen ibilbide modura.

Perspektiba (Lekuz kanpo) instalazioak esperientzia bat sortu nahi du ikuslearengan leku baten iruditik eta norberak leku horretan duen posiziotik abiatuta. Lekualdaketa, migrazioa, desioa, frustrazioa eta utopia aipatzen ditu. Utopia Tomás Morok asmatutako termino bat da, 1516. urte inguruan latinez idatzi zuen lanetako baten izenburu gisa erabili zuena. Hitz horrekin Morok grekerako bi neologismori egiten die erreferentzia: outopia (inolako lekurik) eta eutopia (leku ona).

Nire lanean irudia irudikatutako zerbait bezala ulertzen da, eta ez horrenbeste irudi edo forma laua bezala. Irudia, hemen planteatzen den moduan, fisiko bihurtu den ideia bat da, nahiz eta pentsamendu baten aipamena edo metafora bat baino ez den; sentitu eta korritu daitekeen, baina aldatzerik ez dagoen, amets bat bezala.

Gentz del Valle
2017ko ekaina

Ganbara, 3. solairua
2017-06-15 / 2017-08-26
Asteartetik larunbatera
11:00-14:00 / 16:00-20:00
Jai egunetan itxita
Abuztuaren 13tik 21ra itxita

 

 


1/16 orrialdea
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.