Diego Vasallo, zeinuak, paisaiak, istripuak

E-posta Inprimatu

Diego Vasallo, “zeinuak, paisaiak, istripuak”

Koldo Mitxelena Kulturunea. Ganbara.

2019.01.23 – 2019.03.02

 

ZEINUAK, PAISAIAK, ISTRIPUAK

 

Margolan hauek, azken urteetako paper hauek, egunen joan eta etorrien aztarna setatia erakusten digute soilik. Haiek dira egurats gorrian, zerura begira, zeru horren zeinuak aztertzen, denbora pasatu ondoren gelditu diren lanbroz eta melankoliaz busti-busti egindako arrastoak.

Nekez antzematen diren paisaien zatiak edo, agian, ametsezko zati batzuk izan daitezke. Edo, agian, ezerezetik azaldu diren irudiak dira soilik, gauzatutako fantasmak izango balira bezala.

Lainoak eta ziurgabetasunak estalitako margolanak, helbururik gabekoak, xederik gabekoak, bukaerarik gabekoak. Bakarrik prozesua eta bidea, istripua eta erantzun ona, ekintza eta zuzenketa.

Batzuetan, koadroak serietan agertzen diren olatuak dira: «bukaerak», amildegira eramaten gaituzten mapa misteriotsu gisa; «abesti sakabanatuak», airea kutsatzen dituzten idatzi gabeko partiturak; «urradurak», leize txiki zuriak eta beltzak, Emil Cioran maisuaren hutsune poetikoaren omenez.

Pintatzetik soilik sortzen diren margolanak; materia eta azalera, esanahi existentzialeko objektuak, non irudikapena oraindik ezezaguna zaigun norabide batean galtzen den.

Obra bakarrak, beren esentzia ezerezaren itsas hondar gabean finkatzen dutenak.

(Diego Vasallo)

 

Diego Vasallo (Donostia, 1966)

1984. urtean, Duncan Dhu banda sortu zuen Mikel Erentxun eta Juan Ramón Viles-ekin batera; talde horrekin bederatzi disko grabatu ditu eta hainbat kontzertu bira egin ditu ia hogei urtetan.

1991n, proiektu musikal berri bati ekin zion eta, ondorioz, «Cabaret Pop» izeneko hiru disko egin zituen; proiektu hori 1996an amaitu zuen.

1997an, bakarkako ibilbidea hasi zuen bere izena erabiliz; gaur arte, sei disko argitaratu ditu eta, halaber, disko-liburu bat editatu du Suso Saiz musikariarekin, eta album bat Roger Wolfe poetarekin.

2002an, lehen pintura erakusketa egin zuen. Ordutik hona banakako nahiz taldeko erakusketa ugari egin ditu.

2008an, Lieder izeneko diziplina anitzeko arte-taldea sortu zuen Thomas Canet, Rafael Berrio, Joserra Sanperena eta Suso Sainz artistekin batera, eta talde horrek erakusketak egin ditu Madril, Donostia, Granada eta Erroman.

Halaber, bi poema liburu irudidun ditu argitaratuta: Canciones que no fueron (Huacanamo argitaletxea) eta Al margen de los días  (Harpo argitaletxea).

 
Hau ere online
  • Iván Zulueta

    Sailkatu ezinezko artista baten sorkuntzaren erreferentzia osoa eta oinarrizkoa.

  • Txiki Zabalo

    Kronika grafikoaren eredu eta ilustratzaile den horren lan grafikoaren bilduma osoa.

  • Pío Baroja

    Donostiar idazle handia irakurtzeko gida.

  • Antiqva

    Aintzinari buruz orain arte egin diren jardunaldietako testuak.

  • XIX. mendeko albuma

    Euskal Herriari buruzko 4.000 irudi inguru dituen kultur webgunea. Irudiak Gipuzkoako Foru Aldundiaren funtsetakoak dira eta kultur zentro desberdinetan daude.

  • Alfonso Sastre - Eva Forest

    Alfonso Sastre eta Eva Forest-en inguruko informazio osoa.

  • Gabriel Celaya

    XX. mendeko Gipuzkoako poetarik esanguratsuenetarikoaren bizitzari eta lanari errepasoa.

  • Gipuzkoa 1936

    Garaiko dokumentuak, egunkari eta bestelako aldizkako argitarapenak, erabiliz Gipuzkoa eraldatu zuen urtearen errealitatea erakusten da.

  • Manex Erdozaintzi

    Manex Erdozaintzi-Etxart XX. mendeko euskal olerkari aipagarrienetako bat da, 1934-1984 urteen artean bizi izan zena. Euskal pentsamenduarekin lotutako artikulu eta gogoeta anitz idatzi zuen.

Cerrar

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.